- 700 -

1446. April 7. Breslau.

Conrad von gotis gnaden Bisschoff zu Breslaw &. Vnsir gunst vnd allis gut. Erbaren, weisen besundir gute gonnere. Als denne von alder guter vnd labelicher gewonheit, iczlich hewptmann, amptlute vnd ratlute dieser lande vnd stete vnd ouch andirswo gemeniglichen noch beschrebnem awsgesacztem rechte globen vnd sweren sal dem keczirmeister desselbin landes wedir alle vnd iczlichin von im obirwondene keczere getrulichen noch allem vormogen beistendig ratlich vnd zu merunge des cristenlichen gloubes behulffen zu seyn, nw czweifiln wir nicht euch is wissentlich wy der andochtige herre bruder Henricus Krel des prediger ordens in diese land der Slesien zu eyme keczirmeister gegebin vnd gesant ist vnd ir deme sulche obneberurte globde zu tun pflichtig seyt als cristenlichen lewte von sulchir awssaczunge der rechte, hirvmme wir euch mit fleisse betin vnd vermanen so der genante bruder Heinrich euch besuchen vnd sulche globde zu tun von euch begern wirt, ir wulde zum gehorsame der romischen cristenlichen kirchen im sulche gloubde ane alle wedirrede tan vnd zu ewir zelen zelikeit in keyn weise vorsagen, noch deme im eyn sulchs alreid ander amptlute vnd stete getan znd zugesagit habin wenne euch das eyn sunderliche ere vnd lob ist vnd begern vns ewre meynunge zuschreiben. Gebin zu Breslaw am donrstage vor dem palmtage snno domini MCCCCXL sexto.

Den erberen weisen ratmannen zu Lignicz.

0. d. St L. No. 385.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866